Oinatzek eta Mikelek hirugarren postuari eusten diote

2019/03/22

Bengoetxea VI.ak eta Beroizek beren seigarren puntua lortu dute, gaur, Bilboko Bizkaia frontoian Berasaluze VIII.a eta Albisuri 17-22 irabazi ondoren. Puntuak Binakako Txapelketako hirugarren tokian mantentzeko balio du, Olaizola II.a eta Ibai Zabalarekin bat eginda.

Partida atzekaldean erabaki da, izan ere, Beroizek ohiko segurtasuna erakutsi du eta Albisuk aldiz, urdurik jokatu du, pilotaz gozatu ezinean eta horren ondorioz huts asko egin ditu..

Aurrekaldean, Berasaluze VIII.ak partida on bat egin du eta horren erakusgarri egin dituen 10 tanto dira.
Bengoetxea VI.a ere, lehia ederrean aritu da eta beste 9 tanto gauzatu ditu.

Datuak:
81 / 36 min.
740 pilotakadak.
Berasaluze VIII.a: sakez bi 10 tanto
Bengoetxea VI.a: sakez bi, 8 tanto