2020ko abenduaren 21a
Jakinarazpen honen bidez, Esku Pilota Enpresen Ligak (EPEL) honako hau adierazten du:
EPELen jaialdiak egiten diren autonomia-erkidegoetan (Euskal Autonomia Erkidegoa, Nafarroa eta Errioxa), unean-unean aplikatu behar dira kirol-ekitaldietara jendea joateari buruzko arauak.
Gerta daiteke lurralderen bateko erregulazioak aukera ematea, edukiera murriztuarekin, une jakin batzuetan ikusleak jaialdietara joateko, baina ez beste autonomia-erkidego batzuetan.
Bada, horren aurrean, EPELek jakinarazten du pilotalekuetara jendea bertaratzea, edukiera osoa izan ez arren, lurralde guztietan edo gehienetan oro har posible denean egingo dela, baina ez horietako batean bakarrik posible denean.
Ikusleen itzulera, egonkortasun orokorreko esparru bat dagoenean eta osasun agintariek zehaztutako osasun-bermeak daudenean egin nahi da. Agintariek ematen dituzten osasun-neurri edo –murrizketengatik jendea frontoietara joan ez eta aurreztik egindako sarreren salmenta eta ondorioz egin beharreko itzulketak saihestu nahi dira.
Bitartean, pilota jaialdiek aurrera jarraituko dute, publikoa bertaratu gabe. Eta zaleek telebistaz gozatu ahal izango dute ETBk ostiral, larunbat eta igandeetan astero egiten dituen emanaldiekin. Urtarriletik aurrera, baita astelehenetan ere.