Oharra 3- (2020/9/10) – Erasunek emaitza positiboa eman du PCR proban

2020-09-10

Ohar honen bidez, Baiko Pilota enpresak jakinarazten du, Jon Erasunek emaitza POSITIBOA eman duela egindako PCR proban, beraz, agintariek kasu horietan ezarritako protokoloa jarraitu beharko du eta isolamendu egoeran egon beharko du hamar egunean. Epe hau igaro ondoren, berriro egingo du PCR proba, emaitza negatiboa eman arte. Egoera berdinean dago Beñat Urretabizkaia, aurreztik egindako probak emaitza positiboa eman ondoren.

Horrez gain, Baiko Pilotak jakinarazten du, Iñaki Artola eta Axier Arteaga pilotariak bigarren PCR proba egiteko zain daudela, lehenengo azterketak emaitza negatiboa eman ostean.

Aldi baterako, kirolariek ez dute entrenamendu eta partidetan parte hartuko osasun-agintariek kirol-jarduerara segurtasunez itzultzea posible dela ulertu arte.

Gogorarazi behar dugu, Baiko Pilotak, osasun-agintariek ezarritako COVID-19a zaintzeko eta kontrolatzeko jarduera-prozedurak jarraitzen dituela.

Bukatzeko, Salaverri II.aren kasuan, Baiko Pilotak jakinarazten du osasun agintariek oniritzia eman diotela kirol jarduerara itzuli dadin. Errioxako atzelaria Gautegiz Arteagan izango da ostiral honetan.