Oharra 2- (2020/9/5) – Urretabizkaia II.ak emaitza positiboa eman du PCR proban eta Arteaga II.a isolamendu egoeran dago prebentzio neurri moduan

2020/09/22

Ohar honen bidez, Baiko Pilota enpresak jakinarazten du, Beñat Urretabizkaiak emaitza POSITIBOA eman duela egindako PCR proban, beraz, agintariek kasu horietan ezarritako protokoloa jarraitu beharko du eta isolamendu egoeran egon beharko du hamar egunean. Epe hau igaro ondoren, berriro egingo du PCR proba, emaitza negatiboa eman arte.

Honekin batera jakinarazten du, Axier Arteaga pilotaria, osasun-agintariek ezarritako protokoloak jarraituz, isolamendu-egoeran dagoela azken egunetan SARS-CoV-2 detekzio-test batean positiboa izan den pertsona batekin harreman estua izan duelako.

 Interesdunek baimena eman dute informazio honen berri emateko.

Aldi baterako, kirolariek ez dute entrenamendu eta partidetan parte hartuko osasun-agintariek kirol-jarduerara segurtasunez itzultzea posible dela ulertu arte.

Gogorarazi behar dugu, Baiko Pilotak, osasun-agintariek ezarritako COVID-19a zaintzeko eta kontrolatzeko jarduera-prozedurak jarraitzen dituela.