MEDINA FINALERDIETARA PASA DA ETA GALARZA VI.AREKIN TOPO EGINGO DU

2019/03/22

Fernando Medinak finalerdietako txartela lortu du Tolosako Beotibarren pilotalekuan Rairi 22-14 partidu gogor batetan irabazi ostean. Bi pilotariek izerdi asko botata jokatu dute eta azkenean mexikarrak duen sufritzeko ahalmen handiagoak erabaki du neurketa. Tantu batetan
emandako 39 pilotakadek ondo adierazten dute lehiaren gogortasuna.
Biek bolada askotan airez jokatu dute eta borroka horretan Medina garaile atera da bi eskuez emandako sotamano sorta sendoari esker.

Medinak Galarza VI.aren kontra jokatuko du finalerdia datorren larunbatean Amurrion beste finalerdia, Leiza eta Urberuagarena alegia, igandean Bergaran jokatuko delarik.