Mariezkurrena II.ak giharreko lesio bat du koadrizepsean

2024-05-10

Berriozarko atzelariak giharreko lesioa du eskuin hankako koadrizeps muskuluan eta ez du bihar Labriten jokatuko. Alberdi II.ak eskuko mina du eta ez du Amorebieta-Etxanon jokatuko gaur.

Jon Mariezkurrenak lesio muskularra du eskuin hankako koadrizepsean. Proba osagarrien zain dago, eta atseden hartu behar du.

Mariezkurrena II.a bihar jokatzekoa zen Iruñeko Labriten Peña II.arekin batera Jaka-Albisuren aurka, eta bere tokia Imazek hartuko du.

Agirre Imazen ordez gaur Amorebieta-Etxanon

Alberdi II.ak ezker eskua minduta du, eta gauean Agirrek ordezkatuko du Amorebieta-Etxanoko jaialdiko lehenengo partidan. Agirrek, Salaverri II.arekin osotuko du bikotea Bakaikoa-Ugartemendiaren aurka jokatzeko.