Mariezkurrena II.ak Baiko Pilota utzi du, kontratua berritzeko hainbat proposamen atzera bota ondoren

2020/09/28

Jon Mariezkurrenak ez du Baiko Pilotako plantillan jarraituko, aurkeztutako proposamenak baztertu ostean.

Kontratu berriaren negoziazioetan, Baiko Pilotak hainbat proposamen egin dizkio pilotariari. Urte honen hasieran, pilotariak atzera bota zuen aurreko kontratua nabarmen hobetzen zuen kontratu berriaren proposamena. Aste honetan bertan aurkeztutako azken proposamena ere atzera bota du, nahiz eta aurreko kontratua ere hobetu.

Proposamen guztiak baztertu ditu.

Baiko Pilotak, bere aldetik, pandemiak eragindako krisi ekonomiko honetan, ezin izan ditu pilotariak egindako eskaerak onartu, gehiegizkotzat jo baititu.
Baiko Pilotak atsekabez hartu du Jon Mariezkurrenak egindako eskariak ezin ase ondoren, pilotariak Baiko Pilotan ez jarraitzea erabaki izana.

Baiko Pilotak espero du etorkizunean bi aldeek elkar ulertzeko aukera izatea.
Orain arte erakutsitako profesionaltasuna eskertu eta bere etorkizun pertsonal eta profesionalean onena opa dio.