Lizeagak Baiko Pilotarekin debuta egingo du ostiralean Amorebieta-Etxanon

2024/01/31

Ekain Lizeagak, 20 urteko Astigarragako atzelariak, Baiko Pilotaren koadroa osatuko du, eta ostiral honetan, otsailak 2, egingo du debuta Amorebieta-Etxanon.

Aimar Olaizola Baikoko kirol arduradunaren esanetan, “berme handiko atzelaria da, pilota gutxi galtzen du eta kantxan asko mugitzen da”. Olaizolak nabarmentzen duenez, “bere bertuterik handiena eskuina da. Ongi doa pilotara, eta indar handia ematen dio”.

2023an Lizeagak Zumarragako Memorial Goñi, Elgoibarko San Anton, Tolosako Memorial Soroa, Mallabiako Biharko Izarrak eta GRAVNI Torneoak irabazi ditu.

Astigarrako Mundarro klubean hezia, Ekain Lizeagak, bi urterako sinatu du Baiko Pilotarekin eta ostiral honetan, otsailaren 2an egingo du debuta Amorebieta-Etxanon.

Lizeagak azaldu duenez, “eskertuta nago Baiko Pilotak emandako aukeragatik, eta ilusio handiz ostiralean Amorebietan debuta egiteagatik“.