LEIZAK BARRIOLA USTEKABEAN HARRAPATU ETA TXAPELKETATIK KANPOTATU DU

2019-03-22

Leizak urrats haundi bat lortu du banakako txapelketan gaur Labriten Barriolari 7 eta 22 irabazi eta gero.
Partidu borobila egin du bizkaitarrak, pilota ederto astindu, frontiseko goikoaldea bilatu, sotamano bikainak defentsan, dejada onak eta Barriolaren eskubia bilatuz. Gainera sakeari etekin ona atera dio lemoarrak, batzu Barriolaren eskubira nahitanaiez botata. Sufritzen egon behar izan denean ondo egon da Iñigo.
Barriola partiduaren zatirik gehienean menpean egon da eta gainera eskubia izorratu zaio. Azken tantuetan ezkerrez erantzun behar izan dio sakeren bati. Abelek ezer gutxi egin ahal izan du arerioaren nagusitasunaren aurrean.
Leizak Olaizola I.aren kontra jokatuko du final zortzirenetan.