LEIZA: “HERRIAN FINALA DA MITZAGAI BAKARRA”

2019-03-22

Iñigo Leiza nahiz Xabier Galarza ibili ezinik dira egun hauetan bere herrian, Lemoan. Finala da herrian mintzatzen den gai bakarra eta kalean jendea erdibanatuta dago ” jendea bata eta bestearen alde dago eta kalean beste gairik ez dago”.
Asegarceko pilotariak holako adierazpenak egin zituen Amorebieta IV.a pilotalekuan gauzatutako pilota aukeraketaren ostean.
Estratagiaz galdetuta zera zion lemoarrak “Xabierrek eskuma oso ona dauka eta ezkerra bilatuko deutsot gero piloteoan eusteko eta aukera danean tantua amaitzen saiatuko naz”.
Materialaz aurrelaria gustora geratu zen “bi pilota eder hartu dodaz eta jokatzekoak dira. Xabierrenak ere politak direz”. Pisu berbera euki dute bere pilotek: 102,1 gramo.

Galarza VI.a ere pozik geratu zen aukeratutako materialaz eta bere aurkariarena baino biziagoa omen da. Pisua 106 eta 104,5 gramotakoa izan da.
Finalari buruz jokatzeko irrikitan dagoela aitortu du eta nahiz eta txapelketan buruz buru ez aritu entrenamenduetan egindako saioen ondorioz oso ondo ezagutzen dutela elkar.