LEIZA ETA ZEARRAREKIN TXANTXARIK EZ DAGO

2019-03-22

Leiza eta Zearra bikote bizkaitarrak bigarren garaipena lortu du aurtengo binakako txapelketan eta gaur Zornotzan jokatu duten partidua ikusita serio dabiltzala argi geratu da. Gonzalez eta Pascuali 10-22 irabazi diete landutako eta tantu ederretaz beteriko neurketan. Leiza izan da protagonista garbia. Lemoarrak 8 tantu lortu ditu, gantxu, txapagaineko eta paradetan eta horretaz gainera bere ohiko defentsa bikaina erakutsi du. Zearra aldiz oso seguru ibili da eta huts dexente egin duen Pascual bati arazo handirik gabe aurre egin dio. Gonzalez ez da erasoan behar bezala sartu eta neurketaren ardura bere lagunari pasatu dio.