LEIZA: “EDOZEIN GAUZA EMONGO NEUKE FINALEAN SARTZEAREN TRUKE”

2019-03-22

Iñigo Leiza izugarruzko gogoekaz dabil egunotan datorren zapatuan Zornotzako Amorebieta IV pilotalekuko kantxan sartzeko. Orkatilaren bihurriketa ia ahaztuta dauka eta finalaurdenetan aurrera egiteko asmo trinkoa du berak eta Zearrak.
Asegarce.com beragaz mintzatu da eta hauxe kontatu deuskuna.

– Zelan orkatila?
Bueno, oraindik molestia txiki bat daukat baina hori normala da. Atzo ordu erdiz entrenamendua egin neban Zornotzan eta ondo sentitu nintzen. A tope aritu nintzen eta inongo arazorik ez nuen euki.

– Zer nolako tratamendua ipini deustuez?
Ultasonidoak, laser eta masaiak.

– Kantxara jauzi egiteko gogoekaz?
Pilo bat. Entrenamenduan kriston gogoekaz aritu nintzen eta zapatua noiz helduko denerako irrikitan nago.

Pilotaleku ona

– Gonzalez eta Pascual garaitu zenduezan frontoi honetan eta partida ona eginez. Baikorrak zarete?
Beno frontoia ona da guretzat. Pilota ez jatsu gainean etorten eta ondo dago. Heurentzat ere ez da txarra baina garrantzisuena guretzat ona izatea da.

– Nor da arriskutsuena, Xala ala Gonzalez?
Gonzalez serio dabil orain. Xala geldirik egon da baina pilotari arriskutsua da.

– Baina Gonzalezek ez eban partidu ona jokatu zuen kontra.
Bera eta Pascual nahiko irregularrak direz. Orain hobeto dabilz.

– Zer emongo zeunke finalean sartzearen truke?
Edozein gauza. Baina horretan ez da pentsatu behar. Guk finalaurrekketan sartzeko biharra egin behar dugu eta gero ikusi egin behar.