LAU ETA ERDIKO SANFERMINETAKO TORNEOA GAUR HASIKO DA

2019/03/22

Gaur arratsaldean Patxi Ruizek eta Bengoetxea VI.ak 2006ko Lau eta Erdiko Sanferminetako Torneoari hasiera emango diote. Torneoaren lehenengo partida hau Zarautzeko Aritzbatalde pilotalekuan jokatuko da arratsaldeko 17etan hasiko den jaialdi baten barruan eta Tele 5eko Frontón saioan 17:50etatik aurrera emango dena.
Patxi Ruizek badaki zer den torneo hau irabaztea zeren 2004an txapela jantzi zuen Martinez de Irujori finalean 18 eta 22 irabazi ondoren.
Oinatz Bengoetxearentzat bigarren parte-hartzea torneo honetan izango da hau. Leitzako aurrelariak pasa den urteko lana hobetzen saiatuko da, orduan finalerdiraino iritsi zen Belokiri final-zortzirenetan 15 eta 22 eta Patxi Ruizi final-laurdenetan 12 eta 22 irabazi ondoren.