Laso eta Elordiren arteko 4 1/2 Eusko Label Txapelketako final-laurdenak, Aretxabaletaren agurra, zuzeneko musika… larunbat honetan Bizkaia Frontoian

2022/10/21

Pilota jaialdia Urrutikoetxea-Morgaetxebarria eta Artola-Uriondo bikoteen arteko binakako partidarekin hasiko da.

Jaialdia zuzeneko musikarekin girotuta egongo da eta une berezia ere izango du Andoni Aretxabaletaren agurrarekin. Markinarrak 18 urte besterik ez zituela egin zuen debuta Universidad de la Pelota pilotalekuan, eta 2014an Binakako Txapelketako finalista izan zen. Zortzi aldiz parte hartu du Binakako Txapelketan, eta 396 partida jokatu ondoren, Andoni Aretxabaletak agur esango du bihar Bizkaia Frontoian, bere kide, lagun eta familiaz inguratuta.

Eta biharko jaialdia biribiltzeko, Laso eta Elordi, 4 1/2 Eusko Label Txapelketako final-laurdenetako ligako lehen jardunaldiko B multzoko bi irabazleak, finalerdietarako txartela lortzen saiatuko dira.

Pilota jaialdia 17:15ean hasiko da eta sarrerak entradasfronton.com webgunean eskuratu daitezke.