Larrazabalek Urrutikoetxea ordezkatuko du berriro asteburu honetan Binakako Txapelketan

2023/02/21

Mikel Urrutikoetxeak min du oraindik ezker sorbaldan eta ez du ostiral honetan Binakako Txapelketako partida jokatuko Zallan.

Zaratamoko aurrelariak fisioterapia-tratamenduan jarraitzen du, ezker sorbaldako eskapula azpiko lesio muskulu-tendinosoa dela eta.

Larrazabalek hartuko du Urrutikoetxearen tokia ostiralean Zallako Mimetiz pilotalekuan Albisurekin batera, Altuna III-Tolosaren aurka jokatzeko 22:15ean hasiko den pilota jaialdian.

Jaialdiko bigarren partidak ere aldaketak izango ditu, eta Alberdi-Salaverri II.ak min hartuta dauden Zubizarreta III-Elizegiren lekua hartuko dute Binakako Promozio Txapelketako partidan Salaberria-O.Etxebarriaren aurka jokatzeko.