KONTUTAN HARTZEKO MODUKO BIKOTE BAT

2019-03-22

Berasaluze VIIIa.k eta Apraizek osatzen duten bikoteak Euskadi Goza ezazu Binakako Txapelketako final laurdenetako bere bigarren punta lortu du gaur Eibarko Astelena pilotalekuan Bengoetxea VI.a eta Patxi Ruiz 22-17 menderaturik.

Partiduaren gakoa Apraizen lan bikaina izan da. Gernikako atzelaria ia une oro nagusitu zaio Patxi Ruizi eta honek Berasaluze III.ari airea kentzeko zailtasun asko eduki ditu.
Berriztarrak ez du barkatu eta 2 sakez gain 12 tanto lortu ditu, horietatik 10 airez egindakoak.
Bengoetxea VI.a behartuta ibili da zenbait unetan eta 7 tanto besterik ez ditu egin.