KINKA LARRIAN

2019-03-22

Binakako Txapelketako final erdietan sartzeko bidean argi gorriak piztu zaizkie Olaizola II.a eta Mendizabal II.ari gaur Eibarko Astelenan Mtz. de Irujo eta Beroizek 22-20 menderatu ostean.

Gauza onak eta huts dezente izan duen neurketa suertatu da, tanto ederrekin eta huts ugari ere bai. Aurrelarien borroka polita izan da oso; izan ere, biok ohiko gantxu eta dejaden bitartez 14 tanto egin baitituzte.
Gorriek Mendizabal II.aren hasiera traketsa aprobetxatu dute 9-3raino iritsiz. Gero boladaka joan neurketa hutsak eta tanto onak tartekatuz 20na markadoreak erakutsi arte.

Sake batek eta Olaizola II.ak 3 koadroan horman pilota bat eraman ezin izanak garaipena eman die Aspeko ordezkariei.
Emaitza honekin Olaizola II.a eta Mendizabal II.a oso egoera larrian jarri dira Binakako Txapelketako finalaurdenetako sailkapenean 3 puntu besterik ez lortuta.