Jaka-Albisuk bigarren garaipena lortu dute Ceniceron (22-16)

2020-07-13

Masters CaixaBank txapelketako hirugarren jardunaldiak Ceniceron egin du geldialdia gaur. Tanto onak eta ikusgarriak izan dira bertan. Eta hasiera parekatu baten ondoren, Jakak eta Albisuk abantaila hartu dute amaiera aldera.

Ordura arte, ia tanto guztietan izan da berdinketa (1-1, 3,3, 4-4, 5-5, 7-7, 8-8, 9-9 eta 11-11). Lehenengo atsedenaldiaren ostean ordea, Jaka-Albisuk gehiago asmatu dute eta azkenean, sei tantoko aldearekin irabazi dute Altuna III-Imazen aurka (22-16).

Lehenengo partidan emaitza berarekin irabazi du Bakaikoa-Salaverri II bikoteak Ruiz-Zabalaren aurka.