JAIALDI BI ARNEDOKO JAIETARAKO

2019-03-22

Errioxako Arnedo herriak San Cosme eta San Damian zaindarien ohoretan jaiak ospatzen ditu eta jai-ekitaldien barruan 28 eta 29an arratsaldeko zazpi eta erdietan jaialdi interesgarri bi jokatuko dira.
Koka-Beobide eta Esain-Albizuri osatzen duten bikoteek asteazkeneko jaialdia irekiko dute. Jaialdi hau berezia da zeren, eskuz lehiaketaren ostean, palaz norgehiagoka bat jokatuko da Fusto-Garrido eta Gaubeka-Galan bikoteen artean.
Bigarren jardunaldian, Errioxako pilotazaleek, Olaizola anaien arteko aurkaketa berri bat ikusteko aukera izango dute. Aimar eta Asier Olaizola Peñagarikanoz eta Belokiz lagunduta hurrenez hurren jokatuko dute atzealdean. Partidu erakargarri honen baino lehen, Tirapuk-Pinedok eta Berasaluze VIII.ak-Bengoetxea V.ak indarrak neurtuko dituzte Arnedoko Ricardo Garrido pilotalekuan.