IX. Bizkaia Torneoa aurkeztu da gaur

2022-05-19

• Ekainaren 11n hasiko da Gallartan eta finala Bizkaia Frontoian izango da Aste Nagusian

• Torneoa hiru modalitatetan jokatuko da: 4 1/2an, binaka, eta buruz buru

• Final-laurdenetako kanporaketekin hasiko da, gero finalerdiak jokatuko dituzte, ondoren finala jokatzeko

• Laso, Ezkurdia, Jaka, Altuna III.a, Urrutikoetxea eta Irribarria izango dira sei taldeetako kapitainak

Bilbo, 2022ko maiatzaren 19a

Lorea Bilbao Ibarra Euskara, Kultura eta Kirol diputatuak Bizkaia Torneoaren bederatzigarren edizioaren xehetasunak eman ditu, Unai Iglesias Baikoko arduradun komertzialarekin eta Inaxio Errandonea Aspe Pelotako arduradun komertzialarekin batera.

Bizkaia Torneoa taldeka jokatzen den bakarra da eta bertan parte hartuko duten pilotariak izan dira aurkezpenean. Taldeek Bizkaiko beste hainbeste menditatik hartzen dute izena: Anboto, Ganekogorta, Gorbeia, Kolitza, Oiz eta Sollube.

Kanporaketak ekainaren 11n (Gallarta), 12an (Abadiño, Matiena), 18an (Zierbena) eta 19an (Arrigorriaga) jokatuko dira eta finala Bilboko Aste Nagusian jokatuko da, Bizkaia Frontoian.

Sarrerak www.entradasfronton.com webgunean, eta pilotalekuetako leihatiletan jarriko dira salgai partida egunean.