Beren ibilbide profesionalean, biak daude une historiko baten aurrean; alde batetik, berrizko pilotariak irabazi ezkero, 30 urteetan banakako final batean pilotari bizkaitar bat izan ez delako bolada apurtuko luke. Azkena, Ariño IV.ak (egun Asegarceko intendentea dena) jokatu zuen, 1982ko eskuz banakako azken partida, hain zuzen ere.
Bengoetxea VI.aren kasuan, berarentzat ere neurketa aparta da. 2008an Eskuz Banakako txapelduna izan arren, ez du sekulan lau t´erdiko final batean jokatu.
Pilotak aukeratu eta gero, kazetarien aurrean egon dira biak eta itsatsiak dauden bideoetan beraien adierazpenak ikus daitezke.
Berasaluze VIII.a: 105,9 – 105,7 g.
Bengoetxea VI.a: 105,9 – 106,3 g.
Pilota aukeraketa Naxeran
Garrantzi handiko beste finalerdia jokatuko dute Rico IV.ak eta Untoriak ostiralean Naxeran eta arratsaldean pilota aukeraketa egon da bertako frontoian. Batek ere ez du inoiz final batean jokatu eta asko dago jokoan bi pilotarientzat.
Piloten pisuak hauek dira:
Rico IV.a: 103,7-105,9 g.
Untoria: 106-106,3 g.