Hasiera batean, bere debuta maiatzaren 9rako aurreikusita bazegoen ere, Covid-19ak eragindako osasun krisiak profesional mailara egin beharreko saltoa zapuztu zuen. Data aldaketarekin, baina tokia errespetatuz, Zubizarretak bere jaioterriko, Ataungo, Auzoeta pilotalekuan debutatuko du irailaren 26an. 21 urteko aurrelari ataundarra herriko pilota eskolan hasi zen jokatzen eta ondoren Lapke-ko (Lazkaoko Antzar Pilota Kirol Elkartea) harrobian hazi zen. Afizionatu mailan bildutako erregistroak bikainak izan dira:
• 2019ko Diario Vasco Txapelketa
• 2019ko Euskal Liga
• 2017-2018-2019ko Gipuzkoako Txapelketa
• 2018-2019ko Euskal Herria 4 1/2 Elite Txapelketa
• 2019ko Joxean Tolosa Txapelketa
• 2019ko Lezoko Torneoa
•2019ko Urdulizko Torneoa
• 2018ko Antiguako Torneoa
Iraitz Zubizarretak irailaren 26an egingo du debuta Baiko Pilotarekin Ataungo Auzoeta pilotalekuan bere lagun eta senideen aurrean.
2020-09-24
2026-03-31
Bi txapelketak asteburu honetan hasiko dira Bastidan, Logroñon, Zarautzen eta Lizarran. Buruz Buruko Txapelketako finala maiatzaren 31n jokatuko da Nafarroa Arenan. Eta Serie B Txapelketa Labriten bukatuko da maiatzaren 23an.
2026-03-29
Lasok eta Albisuk 22-16 garaitu dituzte Altuna III-Ezkurdia gaur arratsaldean Nafarroa Arenan Binakako Txapelketako finalean. Albisu aukeratu dute finaleko pilotari onena.
2026-03-28
Peña II.ak 22-7 irabazi dio Mariezkurrena II.ari Oiartzungo kanporaketan, eta Buruz Buruko Txapelketaren aurkezpenean izango da.
2026-03-27
Buruz Buruko Txapelketa datorren ostiralean, apirilaren 3an, hasiko da Bastidan, eta Navarra Arenako final handiarekin amaituko da, maiatzaren 31n.
BERRIAK, EMAITZAK, KARTELDEGIA, SARRERAK.. PILOTARI BURUZKO INFORMAZIO GUZTIA