IKUSKIZUNA FINALEKO BIDEAN

2019-03-22

Berasaluze VIII.a eta Begino Bilboko Aste Nagusia torneoko finalera sailkatu dira gaur Bizkaia pilotalekuan Mtz. de Irujo eta Laskurain 22-14 menderatu eta gero. Partidu ederra izan da eta bildu den 1.600 pilotzaleek inguru ondo baino hobeto dastatu dute.

Aurrealdean Mtz. de Irujok eta Berasaluze VIII.ak erakutsi duten borrokaldia bikaina izan da eta bien artean 15 tanto egin dituzte jokoan. Lehia horretan Pablo atera da irabazle, izan ere bera izan da opari gutxien egin dituena, biren bat edo.

Atzean Begino Laskurain baino gehiago izan da nahiz eta partiduaren erdialdean beheraldia eduki.
Azken tantoa nabarmentzekoa suertatu da; Beginok izugarrizko pilotakada 9 1/2 rarte bota du eta Laskurain ahal duen moduan eraman du baina bigarren koadrotik frontoiko publikoa altzarazi duen pilota geratze bat egin du Pablok.