II. Etorkizuneko Txapeldunak pilota txapelketak kadete eta promesa mailako pilotari onenak batu nahi ditu

2022-04-21

Ataun Kirol Elkarteak “II. Etorkizuneko Txapeldunak” txapelketa jarriko du abian maiatzean Baiko Pilotaren laguntzarekin.

– Kadete eta promesa mailako 16 aurrelarik eta 16 atzelarik hartuko dute parte
– 1/16an hasiko den kanporaketa sistema izango du
– Guztira 8 jaialdi izango dira, finalerdiak eta finala barne
– Maiatzaren 17an jarriko da martxan eta uztailaren 9an izango da finala
– Partidak Ataungo Auzoeta pilotalekuan jokatuko dira astearteetan

Parte-hartze sistema Ataungo Kirol Elkarteak banatuko dituen gonbidapenen bidez egingo da.

Sariei dagokienez, promesa mailan, irabazleek 500 euro jasoko dituzte eta txapeldunordeek 300 euro. Eta kadete mailan, 400 euro eskuratuko dituzte txapeldunek eta 200 euro txapeldunordeek.