Olaizola I.ak agur esan behar izan dio EPELen Eskuz Banakako Txapelketari Labrit pilotalekuan, final-laurdenetako partidan Idoateren aurka 18-22 galdu ostean.
Boladez neurketa izan da eta oreka ere ikusi ahal izan da, nahiz eta lehendabiziko zatian, Asegarceko pilotaria 5-14 atzetik joan markadorean. Hala eta guztiz ere, Asierrek bere eskuin boteretsuaz, dejadak eta lortutako 6 sakei esker, partidan sartu da 15-16ra iritsiz. Une horretan ihes egindako pilota bat irten zaio Idoateari, goizuetarraren igoera apurtuz.
Aipatu behar da 16-19 markadorean agertu den tantoa ere, ihes egindako beste pilota batez lortu du Txantreako pilotariak.
Azken txanpan, Olaizola I.ak irabazteko ahaleginetan, arriskatu ditu, baina zortea ez da bere alde izan.
Datuak:
Datos:
50:35 min.
203 pilotakadak
Olaizola I: 6 sake
Idoate: 4 sake
4-0 4-9 5-14 8-16 15-16 16-20 18-20 18-22
Ezarri dituzte atzeratutako partiden frontoiak eta datak
Xala eta Mtz. de Irujoren arteko partida, larunbatean, hilak 26, Bizkaia frontoian jokatuko da (Nitro), eta Olaizola II.ak eta Retegi BIk elkarren aurkakoa berriz, igandean, hilak 27, Iruñeko Labriten.