Ibai Zabalak bere azken partida jokatuko du pilotari profesional moduan larunbatean, Amorebieta-Etxanon

2021-07-16

2008ko maiatzaren 23an egin zuen debuta Ibai Zabalak profesionaletan, Elorrion, eta harrezkero, 500 partidatik gora jokatu ditu berriztarrak.

Debuta egin eta hurrengo urtean, 2009an, Promozio mailako Binakako txapeldunordea izan zen eta urte bat beranduago, 2010ean, txapela jantzi zuen. 2013an Aimar Olaizolarekin batera jokatu zuen Binakako txapelketa.

Bihar, Amorebieta-Etxanoko pilotalekuan jokatuko du Ibai Zabalak bere azken partida pilotari profesional moduan. Lagun artean egingo du agurra Bengoetxea VI.a bikote duela Ezkurdia eta Tolosaren aurka.

Jaialdirako sarrerak salgai daude https://entradasfronton.com/es/ web orrialdean eta baita Amorebieta-Etxanoko Venecia kafetegian (652776862).