HURAKANA BATEN KONTRAKO ALFERREKO BORROKA

2019-03-22

Nahiz eta partidu txukuna egin, Bengoetxea VI.ak eta Otxandorenak adore eman behar izan dute Titin III.a eta Pascualen aurrean (22-15) gaur Labriten jokaturiko Binakako Txapelketako ligaren zazpigarren ihardunaldiari dagokion partiduan.

Oinatzek gainerako partiduetan baino askoz ere irudi hobeagoa eskaini du, hasieran partiduan sartuta erabat eta behar bezalako tentsioak jota.
Berak eta Otxandorenak lehendabiziko tantoetan ondo aritu dira jokatzen Oronoz-Mugairiarrak pilotakada ederrak emanez eta Pascual atzean edukiz.

Baina partiduaren norabidea arras aldatu egin da Titin III.a erremateak asmatzen hasi denean. Triziotarrak paradaz zein gantxuz 16 tanto lortu ditu urdinen ahalegin guztiaz zapalduz.

Emaitza honekin Aspeko bikoteak oso erabakigarriak diren 5 puntu lortu ditu, sailkapenean oso leku onean jartzen dutenak hain zuzen ere.