HIL ALA BIZIKO PARTIDA PATXI RUIZENTZAT

2019-03-22

Patxi Ruizek oso hitzordu garrantzitsua dauka, Lau eta Erdi barruan, gaur arratsaldean Iruñako Labrit pilotalekuan. Bertan, pasa den larunbatean, Xalaren aurrean, Zarautzen jasatako porrota zuzentzen saiatuko da.
Lizarrakoaren garaipena Titin III.ren aurka finalean sartzeko bere aukerak handituko lituzke, baina hala ere igandean Donostiako Atano III.ean Olaizola II.a eta Xalaren artean jokatuko den partidaren emaitzaren zain egon beharko da.
Finalean egoteko aukera desberdinak ditu Patxi Ruizek, baina berak argi dauka: “nire premia bakarra partidua irabaztea da eta horrela finalean sartzeko aukera edukitzea. Nere betiko jokua egingo dut, hots, pilotari abiadura eman eta Titin III airez sartzea ekiditzea”.