Hendaia, Iruñea, Bilbao eta Tolosa, final-laurdenen frontoiak

2019-03-22

Tolosan, Retegi BI eta Olaetxearen arteko partida bukatuta (22-8), EPELek Eskuz Banakako Txapelketako final-laurdenen frontoiak erabaki ditu.
Honela izango dira:

Ostiralean, Hendaian, Gonzalez eta Bengoetxea VI.a aurrez aurre egongo dira.
Larunbatean, Iruñean (Nitro) Olaizola I.ak eta Idoatek elkarren aurka jokatuko dute.
Igandean, Bilbon, Xala eta Mtz. de Irujo lehiatuko dira.
Astelehenean, Tolosan, Olaizola II.ak eta Retegi BIk neurtuko dituzte indarrak.

Olaetxea agur esan behar

Mikel Olaetxeak agur esan behar dio Eskuz Banakako Txapelketari, gaur Tolosan Retegi BIren aurka 22-8 galdu eta gero.
Nahiz eta menderatuta geratu, Asegarceko pilotariak azken tanturarte borrokatu du, Julenen piloteoaren nagusitasuni aurre egiten saiatuz, baina ia partidu osoan zehar frontisetik urrun egon da eta horrek Retegi BIren tantoak bukatzeko lana, erraztu du.

Promozio Txapelketan, Untoriak 22-16 garaitu du Mendizabal III.a eta finalerdietan Ezkurdiarekin neurtuko ditu indarrak.