Hasiera ona Bengoetxea VI.a eta Beginorena

2019-03-22

Asegarceko bikotea, hotz hasi da -10-5, 11-8-, baina partidako erdialdetik aurrera, buelta eman diote, batez ere, Bengoetxea VI.ak egin duen jokoaz. Leitzako aurrelariak 10 tanto eta bi sake lortu ditu.

Beginok norabide egokia eman dio pilotari eta Zubietak arazoak izan ditu hormatik ateratzeko.

Datuak:
59 min.
399 pilotakadak.
González: 2 sake
Bengoetxea VI.a: 2 sake.

“Cum laude” Berasaluze VIII.arentzat Bermion

Partida zoragarria, Pablo Berasaluzek Bermioko Artza frontoian jokaturikoa. Kontrako hasiera izan du Asegarceko bikoteak -10-5, 16-13-, baina markadore horretatik aurrera, ankaz gora jarri du neurketa Berrizko aurrelariak, pilotaleku batean pilotazaleek ikusi nahi dituzten miresmen handiko jokaldietaz: gantxo, besagain, txokora paradak, sota manoz zabalerako txapagainekoak, kortadak .. Osotara 13 tanto eta bi sake egin ditu Pablok.