HASIERA EDERRA

2019-03-22

Donostiako feriako partida berezia bikain suertatu da eta Atano III.a pilotalekuan bildutako pilotazaleek ondo baino hobeto disfrutatu dute. Titin III.ak eta Beginok 19 eta 22 galdu dute Olaizola II.a eta Barriolaren aurka neruketa eder batetan eta lau pilotariek ikuskizun apartaz gozatzeko aukera izan dute.
Lau pilotariok goi mailako jokua erakutsi dute 68 minutu iranundu duen neurketa tantu asko eta huts gutxi izan direlarik.

Aurrean Olaizola II.ak txapagaineko sorta sartu dio Titin III.ari – zortzi osotara – eta denetariko erremateak gauzatu ditu publikoaren gozamenerako.
Errioxarrak bere joku atera du kantxan eta 12tik 16rarte gantux eta txapagainekoz estutu du aurkaria.
Beginok tantuak eta hutsak tartekatu ditu baina 10. tantua txapagaineko aparta batez lortu du.
Barriolak primerako norgehiagoka jokatu du eta ondo baino hobeto eutsi dio Auzako mutil puskak eragin dion zigorrari.

Aurreko partidan Olaetxeak gantxu asko eta bikainak egin ditu publikoaren txaloak jasoz.