Hasi eta puntua patrikan

2019-03-22

Partido ederra izan da, huts gutxikoa eta 20 tanto inguru ikusi ahal izan dituzte Labrit harmailetan bildu diren pilotazaleek.

Onena, Aritz Begino izan da. Asegarceko pilotariak 5 tanto gauzatu ditu: 2 atzean -errebote bat barne- txapagaineko bat eta beste bi, 2 koadroan lurrean zela zabalerako botatako bi pilotak.

Aurrealdean, Oinatzek eta Augustok ez diote ikuskizunari muzin egin eta lehia ikusgarria eskaini dute, gantxo, paradak eta txapagainekoak eginez.

Datuak:
54 min.
410 pilotakadak.
Titin III: sakerik ez, 8 tanto.
Bengoetxea VI: 3 sake, 6 tanto.
Barriola: tantorik ez.
Begino: 5 tanto.
2-0 3-1 3-8 5-9 6-10 8-11 9-12 10-13 12-20 13-21 14-22.