Gorka Ugartemendiak debuta egingo du Baiko Pilotarekin

2023-02-24

Alkizako 20 urteko atzelari gazteak Baiko Pilotaren koadroa osotuko du afizionatu maila atzean utzita.

Aimar Olaizola Baikoko kirol arduradunaren hitzetan “pilotari oso langilea da, eta azken hileetan gora egin du”. Aimarrek nabarmentzen duenez, “ezker ona badu ere, eskuma berezia du”.

Afizionatuetan, Ugartemendiak promesa mailan eta elite mailan irabazi du Diario Vasco Torneoa. Antiguako Pilota Txapelketa ere irabazi du, eta Liga Vascako txapela jantzi du.

Tolosako Tolosa Aurrera Pilota Elkartean hezia, Gorka Ugartemendiak, bi urtez sinatu du Baiko Pilotarekin eta apirilean egingo du debuta.

Ugartemendia eskertuta azaldu da Baikok debuta egiteko emandako aukeragatik.