GOI MAILAKO IKUSKIZUNA URDUÑAN

2019/03/22

Urduñako Otxomaioetako jaiak ezin zuen pilota jaialdirik onena eduki. Atzo Jai Alai pilotalekuan bildutako pilotazaleak harri eta zur geratu ziren bi patiduak ikusi eta gero.
Lau t´erdiko partidua zein binakakoak tantu eta jokaldi zoragarriez josita egon ziren.
Lehenengo neurketan nahiz eta Agirre 21-14 irabazten joan 21-22 galdu zuen partidua.
Binakako norgehiagokan Unanue eta Bengoetxea VI.aren arteko borrokak erremateak nola egin behar direneko katedra bat suposatu zuen. Unanuek txokoan parada sorta aparta eskaini zuen bitartean Bengoetxea VI.ak gantxu eta zabalerako pilotakada bikainak gauzatu zituen.
Atzean Belokik argi oso erakutsi zuen eremu horretan duen nagusitasuna tantu batzu ere boleaz eta hormabikoz lortu zituelarik.