• Gaur goizean Buruz Burukoaren edizio berri bat aurkeztu da Bilboko Arte Ederren Museoan. Irribarria, Ezkurdia, Urrutikoetxea eta Elezkano II.a izango dira talde-buruak
• Zortzigarren urtez jarraian CaixaBank izango da eskupilota txapelketa garrantzitsuenaren babesle nagusia
Txapelketan parte hartuko duten 12 pilotariak bertan izan dira. Enpresa bakoitzeko sei. Baiko Pilotak bere koadroko sei pilotari hauek aukeratu ditu txapela lortzeko asmoarekin Urrutikoetxea, Bengoetxea VI, Bakaikoa, Agirre, Peña II eta Zubizarreta III. Helburu berarekin, ASPE Pelotak Irribarria, Ezkurdia, Elezkano II, Jaka, Altuna III eta Dario aurkeztu ditu.
Aurkezpenean egindako zozketak final-zortzirenetako hurrengo kanporaketak utzi ditu: Zubizarreta III-Darío, partida honetako irabazleak Irribarriaren aurka jokatuko du final laurdenetan. Altuna III-Peña II, garaileak Ezkurdia izango du aurkari final-laurdenetan; Jaka-Bakaikoa, hurrengo kanporaketan Urrutikoetxea izango du zain; eta Bengoetxea VI-Agirre, final-laurdenetan Elezkano II.a izango du aurrez aurre. Finala azaroaren 29an jokatuko da, Bizkaia pilotalekuan.
Bilboko Arte Ederren Museoan egindako aurkezpen ekitaldian parte hartu dute Juan Pedro Badiola CaixaBankeko Ipar Eremuko zuzendariak, Borja Oses EPELeko Lehiaketa Epaileak, Unai Iglesias Baiko Pilotako arduradun komertzialak eta Jon Apezetxea ASPE Pilotako ordezkariak.
Badiolak finantza erakundeak kirol honen alde egindako apustua goraipatu nahi izan du. “CaixaBankek zortzigarren urtez jarraitzen du buruz buruko txapelketaren babesle gisa, gure kirolaren aldeko apustua berresten duen akordioa da”, adierazi du Badiolak.
Berrikuntzak
EPELek hainbat berrikuntza ezarri ditu aurtengo Buruz Buruko Txapelketan. Besteak beste hauek hirurak:
Sakeak: Pasako marra sei t’erdiko koadroan jarriko da.
Botileroak: Parte hartzaileek botileroak izango dituzte txapelketako partidetan beste enpresako pilotarien aurka jokatzen dutenean . Enpresako teknikariek bakarrik lagundu ahal izango dute botilero moduan.
Partida atzerapenak: Ez da partidarik atzeratuko.