Garaipena baino ez du falta izan Uriondok bere debuta borobiltzeko

2020-10-10

Giro ona izan da gaur Gernikako Santanape frontoian, Endika Uriondoren debuteko egunean. Lagunen eta senitartekoen babesa eta beroa somatu du hasiera hasieratik Gizaburuagako atzelariak. Eta garaipena lortu ez badu ere, Uriondok maila ona azaldu du bere debuteko egunean. 

Elezkano II.a lagun duela kantxaratu da debutaria eta aurrez aurre Zubizarreta III.a eta Ladis Galarza izan ditu.
Partida paretsua jokatu dute bi bikoteek eta amaierara arte bien arteko aldea lau tantotik beherakoa izan da uneoro. Gorriek luzaroan agindu dute markagailuan baina partidaren erdi aldean, urdinek aurrea hartu dute eta azkenean Zubizarreta III-L.Galarzarentzak izan da garaipena (18-22)

Emaitza: Elezkano II-Uriondo 18-22 Zubizarreta III-L.Galarza

Partidaren iraupena: Ordu 1 eta hiru minutu

Pilotakadak: 474

Berdinketak: 2-2, 5-5, 10-10, 13-13, 16-16

Gorriek (Elezkano II-Uriondo): 3 tanto egin dituzte eta 10 galdu

Urdinek (Zubizarreta III-L.Galarza): 12 tanto egin dituzte eta 15 galdu

Lehenengo partida: Elordi-O.Etxebarria 22-17 Zabala-Untoria