FINALEAN IA SARTUTA

2019/03/22

Aimar Olaizolak ostiraleko gauean Atano III.a pilotalekuan Barriolaren kontra 22-9 emaitzaz lortutako garaipenarekin finala jokatzeko txartela eta erdia dauka dagoeneko.
Asegarceko pilotariak distantzia motzean nork agintzen duen argi erakutsi zuen estrategia zein teknikan erabateko erakustaldia burutuz. Goizuetarra piloteoan aurkaria aztertu eta gero tantuak bukatzen bikain azaldu zen.
Aipatu beharra dago 4-9 markagailuan zela Barriolak kolpe bat hartu du ezker hormaren kontra eta handik aurrera bere jokuak apur behera egin du. Hala eta guztiz ere Leitzarrak etsi izan behar izan du Olaizolatarren txikiaren joku apartaren aurrean.
Goizuetarrak har eta zur utzi ditu pilotalekuan bildutako pilotazaleak defentsan egin duen saioarekin eta tantua bukatzeko aukera izan duenean jezarlekuetatik altxarazi ditu.
Barriolak oso hasiera ona egin du dejada ederrak gauzatuz baina aurkariaren nagusitasunaren aurrean ezer gutxi egin ahal izan du.