FINALAURDENAK LOGROÑON ETA EIBERREN ITXIKO DIRA

2019-03-22

Lau t’erdiko finalaurdenetako azken bi partiuak Logroñon eta Eibarren jokatuko dira gaur. Arratsaldeko sei t’erdietan gutxi gorabera, Olaizola I.a eta Errasti Leiza eta Otxandorenaren kontra partidua jokatu eta gero, Capellan eta Olaizola II.a Adarragako kantxan aurrez aurre egongo dira finalerdietako ligaxkarako pasea lortu nahian. Aimar Olaizola, Gonzalez eta Agirre bidean utzi ondoren partidu bikainak eginez, aukera garbiekin datorkigu. Bere aldetik, torneoan sailburua bezala estreinatzen den Capellan, errioxako pilotazaleen beroa izango du.
Gutxi gorabera ordu berean Beloki eta Xala Eibarko Astelena Pilotalekuan elkartuko dira. Biarritzeko ezkertia, Patxi Ruiz eta Kokarekin entrenatu den burlatako aurrelariarentzat, maila handiko lehiakidea izango da.