Final-hamaseirenen jardunaldia bukatu da

2019-03-22

Alde batetik gaur Eibarren Mendizabal III.a eta Ezkurdiaren arteko lehia (6-22) eta Idoate eta Jaunarenak elkarren aurka jokatu dutenarekin (22-10), eta bestaldetik, Zaratamon Olaetxea eta Elezkano II.a aritu direnarekin (8-22), Lau eta Erdiko Txapelketaren final-hamaseirenak bukatu dira.

Eibarko lehen neurketa lehenago ere jokatu zuten Mendizabal III.ak eta Ezkurdiak 11n Bergaran eta orduan Antzuolako pilotaria 22-10 nagusitu zen, baina Gonzalezen baja dela eta, Joseba berriro ere sartu da txapelketan eta gaur garaipena bere aldera joan da.

Bigarrenean, Idoatek goitik behera menderatu du Jaunarena fisikoki nahiz jokuz. Partida ikaragarria egin du Txantreako pilotariak.

Zaratamon, Elezkano II.ak goian kokatzeko beste urrats bat egin du Olaetxea erraz kanporatuz. Hasieran eutsi dio partidari Lizartzarrak baina tantoak pasa ahala pilotari bizkaitarra beren armak ateratzen hasi da eta bolea latz, txapagaineko eta kortada bortitzez deusestatu ditu Mikelen aukerak.