“Ez dut opari bat ere egin behar”

2019-03-22

-” Printzipioz lasai nago eta jokatzeko gogoarekin. Agian presioa berak izango du baina kantxara salto egiten dugunean denok gaude urdurik. Zaila izango da oso; bera pilotari osoa da. Nire estrategia garbi dago: sakeari erantzun ona eman, goiko aldera bideratu, frontisetik urrun mantendu eta orma bilatu. Aurrealdean izango nagoenean tantoak bukatzen saiatuko naiz.
Frontoia ona da biontzat; erasotzeko egokia eta defendatzerakoan lan egiten behartzen dizuna”.

Bengoetxea VI.a eta Jaunarena Hendaian

Saskitxoarekiko beste zita egon da Hendaian. Bertan Bengoetxea VI.a eta Jaunarena egon dira materiala bereizten. Arazorik ez da izan eta aukeraketa bukatu eta gero asegarce.com Oinatzekin solasean egon da partidaren xehetasunak aztertzen.

-“Gu biotako batek irabaz dezake partida. Jaunarena bizkorra da, kolpe indartsu duena eta bi esku onak ditu. Gainera sake bortitza du eta tantoak bukatzerako orduan oso trebea da.
Bi garaipen lortu ditu eta horrek konfidantza eman dio eta horregatik arriskutsua da.