Eusko Label 4 ½ txapelketako finaleko ateetan geratu da Bengoetxea VI.a

2020/12/19

Oinatz Bengoetxeak partida hasiera ona egin badu ere (7-3), norgehiagoka asko zaildu zaio 9-10 zihoazenean, Altuna III.ak hamar tanto egin baititu jarraian eta 9-20 aurreratzea lortu du. Leitzarrak ez du askoz gehiago egiterik izan eta 12-22 bukatu da partida.

Gaurko finalerdian garaipena lortu ondoren, Altuna III.ak Eusko Label 4 ½ txapelketako finala jokatuko du abenduaren 27an.

Bizkaia Frontoiko aurreneko partidan, 09-22 irabazi dute Elezkano II-Martijak Olaizola II-Imazen aurka. Eta jaialdia itxi duen norgehiagokan, Larrazabal-Ibai Zabalak 10-18 irabazi dute Salaberria-Ruizen aurka.