Etorkizuneko Txapeldunak torneoaren IV. edizioak kadete eta 22 urte azpiko pilotari onenak batu nahi ditu Ataunen

2024/05/01

Ataun Kirol Elkarteak IV. Etorkizuneko Txapeldunak torneoa jarriko du abian maiatzaren 7an Baiko Pilotaren laguntzarekin.

– Kadete eta 22 urte azpiko mailako 16 aurrelarik eta 16 atzelarik hartuko dute parte
– Final-hamaseirenetan hasiko den kanporaketa sistema izango du
– Guztira 8 jaialdi izango dira, finalerdiak eta finala barne
– Maiatzaren 7an jarriko da martxan eta ekainaren 29an, larunbatean, izango da finala
– Partidak Ataungo Auzoeta pilotalekuan jokatuko dira astearteetan

Sariei dagokienez, 22 urte azpiko mailan, irabazleek 700 euro jasoko dituzte eta txapeldunordeek 500 euro. Eta kadete mailan, 600 euro eskuratuko dituzte txapeldunek eta 400 euro txapeldunordeek.