ESPERO ZENAREN AZTARNARIK EZ

2019-03-22

Mtz. de Irujok eta Beroizek EPELen Binakako Txapelketako finalaurdenateko ligaren buru kokatu dira gaur Eibarko Astelena pilotalekuan Berasaluze VIII.a eta Begino 22-20 irabazita suposatzen duen bigarren puntua lortu eta gero.

Nahiz eta tantu eder batzu izan partidua ez da inolaz ere ona izan huts dezente ikusi ahal izan direlako.
Atzekaldean Beroiz nahiz Begino urdurik azaldu dira eta bien artean 12 huts egin dituzte.

Mtz. de Irujok, laguna fin ez zebilela ikusita, partiduaren agintea hartu du aurrekaldean erremate ugari eginez eta pilotakadak bortitzak emanez.

18-12 markadorean zela, erremontada gauzatu dute urdinek Berasaluze VIII.ak lortutako tantu sortak eragina 18na egon baitira. Dena den Pablok neurketa gorabeheratsua egin du tantuak eta hutsak tartekatuz. Hutsen artean nabarmentzekoa da markadoreak isladatzen zuen 19-20 unean sakez egindako falta.