Eskuz Binakako 2022 Promozio Txapelketan lehiatuko diren zortzi bikoteak aurkeztu dituzte gaur

2021-11-17

• Baiko Pilotak aurkeztu dituen lau bikoteak: Zubizarreta III-Eskiroz, Larrazabal-Salaverri II, Alberdi-Uriondo eta Bakaikoa II-Elizegi

• Aspe ordezkatuko duten lau bikoteak: Victor-Gaskue, Zabala-O.Etxebarria, Egiguren V-Untoria eta Salaberria-Erostarbe

Bilbo, 2021eko azaroaren 17a

Eskuz Binakako Promozio mailako Txapelketan parte hartuko duten 8 bikoteak aurkeztu dituzte Baikok eta Aspek gaur goizean Bizkaia Frontoian.

Baikok bere koadroko zortzi pilotari hauek aukeratu ditu txapela lortzeko asmoarekin: Zubizarreta III-Eskiroz, Larrazabal-Salaverri II, Alberdi-Uriondo eta Bakaikoa II-Elizegi.
Helburu berarekin, ASPEk Victor-Gaskue, Zabala-O.Etxebarria, Egiguren V-Untoria eta Salaberria-Erostarbe aurkeztu ditu.

Eskuz Binakako Txapelketa eta Eskuz Binakako Promozio Txapelketa ostiral honetan hasiko dira Berriozarren eta martxora bitartean luzatuko dira. Lau pilota jaialdi izango dira astebururo ostiraletik igandera bitartean, nahiz eta egutegiaren arabera jaialdi batzuk jaiegunetan antolatuko dituzten.

Zazpi jardunaldiko bi itzuli, orotara hamalau jardunaldi jokatuko dituzte pilotariek sailkapen ligaxkan. Bi bikote onenak zuzenean sailkatuko dira finalerdietara eta hirugarren eta seigarren postuen artean sailkatuek playoffak jokatu beharko dituzte aurrera egin ahal izateko.

Final handia martxoaren 27an izango da Labriten.