ESKUZ BANAKAKO PROMOZIOKO FINALA TOLOSAN JOKATUKO DA

2019/03/22

Mikel Beroizek eta Aritz Lasak badakite dagoeneko elkarren aurkako jokatu behar duten Eskuz Banakako Promozioko finala non izango den. Tolosako Beotibar pilotalekuko harmailak bi pilotarien jarraitzaileez beteko dira ekainaren 12an, larunbata, (17:00) etatik aurrera.

Sarrerak erreserba egin ahal izateko Asegarce zein Aspeko web-etan egin daitezke hala nola 656 799 423 eta 661-259-009 zenbakietan.

Prezioak honako hauek dira.
kantxa jarlekuak eta 1. solairuak 30 €.
Zenbakirik gabeko harmaila: 15€.

San Fermin Lau eta Erdiko Lehiaketa

Urtero bezala behin Eskuz Banakako Txapelketa amaiturik, San Fermin Lau eta Erdiko Txapelketa pilota egutegian sartuko da uda iragarriz.

Aurten, eta Asegarceren multzoari dagokionez, ekainaren 19an hasiko da erabakitzeke dagoen pilotalekuan Bengoetxea VI.ak eta Arretxe II.ak jokatuko duten finalaurrekoaz.
Hilaren 26an bigarren finalerdia izango da, bertan Olaizola I.a eta Patxi Ruiz indarrak neurtuko dituztelarik.

Asegarceren adarreko finala uztailaren 3an gauzatuko da eta ateratzen den irabazlea Aspeko irabazlearekin lehiatuko da San Fermin egunean, eguerdiz Labriten.