Imanol Agirre eta Asier Olaizola Tolosako Beotibar pilotalekuan bildu dira gaur arratsaldean datorren astelehenean jokatuko duten Eskuz Banaka Txapelketako partidurako pilotak bereizteko. Asegarceko bi jotzaileek ez diote inongo pegarik ipini hautatzaileak aurkeztu dien materialari eta biok konforme geratu dira. Bilbotarrak 105,8 eta 102,4 gramoko pilotak hartu ditu, erabiltzeko nahiko errazak alegia. Goizuetarrak aldiz, 104,1 eta 105,9 gramoko larruak aukeratu ditu; irteera gutxiagokoak eta jokatzeko indartsuagoak hain zuzen ere.
2019-05-09
2026-03-31
Bi txapelketak asteburu honetan hasiko dira Bastidan, Logroñon, Zarautzen eta Lizarran. Buruz Buruko Txapelketako finala maiatzaren 31n jokatuko da Nafarroa Arenan. Eta Serie B Txapelketa Labriten bukatuko da maiatzaren 23an.
2026-03-29
Lasok eta Albisuk 22-16 garaitu dituzte Altuna III-Ezkurdia gaur arratsaldean Nafarroa Arenan Binakako Txapelketako finalean. Albisu aukeratu dute finaleko pilotari onena.
2026-03-28
Peña II.ak 22-7 irabazi dio Mariezkurrena II.ari Oiartzungo kanporaketan, eta Buruz Buruko Txapelketaren aurkezpenean izango da.
2026-03-27
Buruz Buruko Txapelketa datorren ostiralean, apirilaren 3an, hasiko da Bastidan, eta Navarra Arenako final handiarekin amaituko da, maiatzaren 31n.
BERRIAK, EMAITZAK, KARTELDEGIA, SARRERAK.. PILOTARI BURUZKO INFORMAZIO GUZTIA