EPELren oharra

2020/10/10

2020ko urriaren 10a

2020ko urriaren 10ean Bilboko Bizkaia Frontoian jokatu beharreko jaialdiko aktan, bertako arbitro-epaileek honakoa adierazi dute: “…. Honako pilotariak aurkeztu dira partidara: EZKURDIA eta BIKUÑA”. AGIRRE ETA ALBISU bikoteko kideak ez dira aurkeztu EPELko Binakako Txapelketako finalerdietako 3. jardunaldiko partidara.

Binakako Txapelketako araudiaren 5. puntuari dagokionez: “Indarrean dugun araudiaren inguruan sortu litezkeen eduki gatazkei dagokienez, bai harekiko interpretazioagatik, baita suposizioan planteatutako gertaera edo jasoera baten aurrean xedapenik ez egoteagatik, EPELko Lehiaketa Epaile Bakarrari egokituko zaio erabakia eta apelaezina izango da.

EPELko Lehiaketa Epaileak, noski, edozein langileren greba eskubidea errespetatzen du. Hala ere, EPELak antolatutako lehiaketa aurrera doala bermatzeko, beharrezkoak ikusten dituen erabakiak hartuko ditu lehiaketaren garapen eremuan. EPELko Lehiaketa Epaileak xedatu du Binakako partaideek, haien greba eskubide legitimoa erabiltzeagatik, ez balute parte hartuko Txapelketan egokitzen zitzaien partidan, partida hori galdutzat eman beharko zaiela saikapenari dagokionez. Horrela, 22 eta 0 -eko emaitza ezarriko litzateke jokatu behar zuten bikotearen alde.

Aipatutako neurria EPELko Lehiaketa Epaileak hartutako erabakia da berenak diren konpetentzia eta atribuzioetan oinarrituz; orain arte kiroleko komite jurisdikzionalek ezarri dituzten irizpideak jarraituz kirolari parte-hartzaileen grebak kirol lehiaketei eragiten dieten afekzio kasuetan.