Esku Pilota Enpresen Ligak Eskuz Banakako Txapelketako finalerdietako datak eta tokiak zehaztu ditu dagoeneko. Honelaxe jokatuko dira:
Olaizola I.a eta Xalaren arteko neurketa ekainaren 5ean, larunbata, Iruñako Labrit pilotalekuan izango da 17:00etatik aurrera.
Mtz. de Irujok eta Patxi Ruizek ekainaren 6an, igandea, Eibarko Astelena pilotalekuan elkarren aurka jokatuko dute 17:00 etatik aurrera.
Iruñako jaialdiari dagokionez hona hemen salneurriak eta erreserbak egiteko erak:
Kantxa jarlekua eta 1. solairua, 60 €.
2. solairuko, lehen lerroa, 30 €.
2. solairuko 2. eta 3. Lerroek 25 €,
Erresebak web honetan egin daitezke Tick-Tack-Ticket sistemaren bidez edota 656 799 423 zenbakira deituz.
Aukeraketa Promozio txapelketan
Iñigo Leizak eta Mikel Beroizek bat egin dute eguerdiz Beasaingo Antzizar pilotalekuan ostiralez jokatuko duten Eskuz Banakako Promozio Txapelketako finalerdirako pilotak bereizteko.
Pilotari bizkaitarrak 106,4 eta 106,7 gramoko pilotak hartu ditu Mikel Beroizek 105,8 eta 105,2 gramokoak hartu dituen bitartean.
Bi sorta alderatuta, Asegarcekoarenak apur bat biziagoa dela dirudi.