2021eko uztailaren 26a
2021eko uztailaren 23an, uztailaren 23ko 35/2021 Dekretua argitaratu zen EHAAn, uztailaren 7ko 33/2021 Dekretuaren bigarren modifikazioa, SARS-CoV-2-ak eragindako infekzioak ez zabaltzeko prebentzio-neurriak eguneratu eta zehazten duena. Uztailaren 23ko 35/2021 Dekretuaren 3. artikuluaren b) apartatuak uztailaren 7ko 33/2021 Dekretuaren 3. artikuluan ezartzen diren berariazko neurriak aldatzen ditu, eta honako hau adierazten du:
2021eko uztailaren 26ko 00:00etatik aurrera, oro har, edozein motatako gizarte-, kultura- edo kirol-ekitalditarako esparruetan gehienez ere 400 pertsona bildu ahal izango dira barrualdeetan eta 600 pertsona kanpoan. Berariaz:
– 1.600 eta 5.000 lagun arteko edukiera duten esparruetan, gehienez 600 pertsona egon daitezke barruan, eta 800 kanpoan.
– 5.000 lagunetik gorako edukiera duten esparruetan, ez da gehieneko edukieraren % 20 gaindituko. Ahal den guztietan, 1.000 pertsona baino gutxiagoko eremu independenteak ezarriko dira, sarbide eta pasabide independenteko guneekin.
Muga horiek ez zaizkie aplikatuko, aldez aurretik eta indarrean zegoen aurreko araudiaren arabera, edukiera handiagoa kontratatuta duten ekitaldiei.
EPELek CaixaBank Mastersa aurkeztu zuen 2021eko uztailaren 12an. Honek jaialdi batzuk barne hartzen ditu non lehiaketa horretako partidak jokatzen diren, eta 2021eko irailaren 19an amaitzen da. Caixabank Mastersa osatzen duten jaialdi guztiak herri ugaritan zeuden kontratatuta, baita Euskal Autonomia Erkidegoko hainbat herritan ere, 2021eko uztailaren 23a eta 26a baino lehenagotik.
Beraz, 2021eko uztailaren 23a baino lehen aurreikusitako eta programatutako 2021eko CaixaBank Masterseko jaialdiak, uztailaren 7ko 33/2021 Dekretuaren 3. artikuluan ezarritako edukiera-mugekin egin behar dira Euskal Autonomia Erkidegoko herrietan eta frontoietan: % 60, oro har 600 pertsona gainditu gabe, eta 800 pertsona, 1600 pertsonatik gorako edukiera duten frontoietan.