EPEL BINAKAKO TXAPELKETA ISCARRERA HELDUKO DA

2019/03/22

Hurrengo larunbatean, hilak 21, Villa de Iscar pilotalekuak Binakako Txapelketaren final-zortzirenetako hirugarren jardunaldiko partida jasoko du Olaizola II.a-Zearra eta Gonzalez-Lasa III.aren artean.
Valladolideko herrira hurbilduko diren pilotazaleek gaur egungo buruz buruko eta lau t’erdiko txapelduna den Aimar Olaizola jokoan ikusteko aukera izango dute. Olaizola II.ak Oier Zearra bizkaitarra atzealdean lagunduta jokatuko du lehenengo fase honetako bigarren garaipenaren bila. Asegarceko bikotea, oraindik partidarik irabazi ez duten Aspeko Sebastien Gonzalez eta Oscar Lasaren kontra arituko da. Norgehiagoka hau Telecinco kateko “Fronton” saioan arratsaldeko 18etatik aurrera ikusiko da.
Aurreko egunean, ostiralak 20, Villa de Iscar-eko kantxan beste jaialdi bat izango da. Jaialdi honetan Mendizabal-Eskudero eta Retegi BI-Mendizabal II.a aurrez aurre egongo dira Binakako Izar Berrien Txapelketaren final-laurdenetako partida jokatzeko.